نصائح هامه قبل دخول الثانويه العامه النظام الجديد

نصائح هامه قبل دخول الثانويه العامه النظام الجديد

لازم عشان نبدا الكلام نتكلم على  هدفك من دخول الثانويه العامه ؟؟؟

هل هدفك هو مجرد ان اصحابك دخلوا ثانوى فانت قررت انك تدخل ثانوى زيهم ؟؟

ولا عندك رغبه وطموح  وهدف وناوى على شئ
لو تقليد لصحابك فانصحك تشوف المدارس ممكن تعمل ليك مستقبل ووظيفه من اللنك دا

مدارس بتضمن ليك مستقبل بدل الثانويه العامه

تمام هنا انا خلاص حددت هدفى  وعارف ان داخل ثانوى
السؤال بقى اعمل ايه ؟

اول حاجة  بلاش تسال  اى حد فى السنه الى فاتت 

ليه لان ببساطه السنه الى فاتت من طلاب اولى ثانوى المنهج الجديد  اتجرب فيهم رسمى  اول سنه محدش عارف حاجة  كل شويه تجريب  عشان كدا لو سالت اى حد فيهم هتكون نظره مظلمه ويمكن يجيب ليك احباط 

ثانى حاجة  تاكد من مستواك 

مش معنى انك جبت مجموع عالى فى  الاعدادى انى شاطر
اكيد لا طابعا ممكن تكون جايب المجموع دا بالغش او النقل
او المساعده  فانت عارف نفسك ومستواك الحقيقى
لو هتعتمد على الغش والتسريب نصيحه بلاش من ثانوى خالص 

ثالث حاجة  التعود على امتحانات الاوبن بوك

امتحان الاوبن بوك او امتحان الكتاب المفتوح هو نظام قائم على الفكر واستخلاص المعلومه وليس الحفظ والنقل وبس
يعنى بختصار لو انت  شخص بصيم وبتعتمد على النقل والبصم ومفيش لا تفكير او فهم
امامك طريقين  الاول انت تبدا تقرا كتب وتبدا تعود على الفهم وعلى استخلاص المعلومات
التانى انك تكبر دماغك ومتدخلشى ثانوى 

رابع حاجة تابلت الثانويه العامه 

تابلت الثانويه العامه اعتقد بشكل كبير انه السنه القادمه هيتم 

تطويره اكتر والاعتماد عليه بشكل اكبر
فحضرتك مطالب انه تتعود على التعليم الالكترونى وتبدا تشوف اليوتيوب وازاى تتابع مع المدرسين .
كمان لازم تفهم ان التابلت دا تعليمى مش جاى عشان تخترقه وتنزل فيه العاب وتطبيقات
كمان لازم تفهم ان ربما تواجه مشاكل فى استخدام التابلت كمان ودا طبيعى فلازم يبقى عندك صبر وقدره على حل المشاكل