قبل ما تدخلها مميزات وعيوب مدارس stem

قبل ما تدخلها  مميزات وعيوب مدارس stem

هنتكلم النهارضه على مدرس stem ايه مميزاتها وايه عيوبها
وهل ادخلها ولالا ؟

شروط التقديم في مدارس المتفوقين STEM

– ألا يزيد عمر الطالب المتقدم عن 18 عامًا في 1 أكتوبر

– أن يكون حاصًلا على شهادة إتمام الدراسة بمرحلة التعليم الأساسي لعام

– بالنسبة لدرجات مجموع دخول مدارس المتفوقين في العلوم والتكنولوجيا في المحافظات :- ألا يقل مجموع درجات الطالب عن (274,5) درجة بنسبة تعادل (98 %) من المجموع الكلي، ويشترط حصول الطالب في هذه الحالة على الدرجات النهائية في مادة واحدة على الأقل من مواد: (اللغة الإنجليزية – الرياضيات – العلــوم).

– بينما الحد الادني لمجموع دخول مدارس المتفوقين هو ألا يقل مجموع درجات الطالب عن (266) درجة بنسبة تعادل (95 %) من المجموع الكلي ويشترط حصول الطالب في هذه الحالة على الدرجات النهائية في مادتين على الأقل من مواد: (اللغة الإنجليزية – الرياضيات – العلــوم).
-أن يكون حاصل علي شهاده براعه اختراع وليس مقدم لاستخراج الشهاده وذلك في حالة عدم حصوله على المجموع المذكور في الفقرتين السابقتين

جميل انا دلوقتى حققت الشروط دا ادخل بقى   هقولك استنى يا غالى  اعرف الاول عيوب والمميزات وبعدين قرر 

مميزات مدارس 

1- الاعداد النفسى  

عارف ان فى ناس كتيره مش هتفهم الموضوع دا  بس المدارس دى بتعدك نفسيا على بيئه شغل وتفكير وضغط اكتر من اى مدرسه تانيه  يعنى ببساطه بتطلعك شخص قابل للعمل تحت ضغط وقابل للابداع والتفكير 

2- تعليم التفكير والابداع 

هنا فى قدر كبير من التفكير والابداع ودا هيساعد جدا فى حياتك وفى شغلك والاكيد انك هتكون متفوق وقادر على  الابداع

3- الاعداد العملى 

هنا فى اعداد عملى لكتير من الحجات خاصه بالتكنولوجيا
ودا ممكن يدخلك فى بيئه البرمجه اوالتطوير بشكل اكبر ودا بيفتح ليك الباب من بدرى قوووى 

4- تعليم المهارات المختلفه  

هتقدر تتعلم مهارات كتيره جدا هتطور من شخصيتك ومن تعاملك مع الناس ودا هيفيدك جدا فى حياتك حتى العاديه 

عيوب مدرسه 

stem

طيب هل المدارس دى ليها عيوب اعتقد لا  بس فى حجات لو عرفتها ربما ترفض انك تدخلها

عيوب مدارس stem

1- تنسيق الثانويه العامه 

طابعا الموضوع دا اعترض عليه كتير من الطلاب وطالبوا بنسبه المرنه لان الدراسه عندهم اصعب بكتير من دراسه الثانويه العامه 

2- الرسوب 

بلغ عدد طلاب مدارس المتفوقين على مستوى الجمهورية نحو 679 طالبا وطالبة، منهم 350 طالبا فى شعبة علمى علوم و329 شعبة علمى رياضة، وهم فى 11 مدرسة في عدة محافظات على مستوى الجمهورية، بلغت نسبة النجاح بها في الثانوية العامة لهذا العام 56%، وبلغ نسبة الراسبين 44%

3- الضغط النفسى 

المدرسه دى فيها ضغط نفسى  ولو حضرتك من بتوع بابا وماما وكل شويه حد مراعيك ومفيش اى دافع للمزاكره ودخلها بس  عشان المنظر بلاش 

اخيرا نصيحه ادخل مدارس stem ؟؟

لو داخل عشان تتعلم وتطور من نفسك وفكرك  وعارف ان المدارس دى مجرد بوابه بتفتح ليك الطريق يبقى فعلا انت اخترت الطريق الصح 

انما لو داخل عشان مجموع وكليه يبقى ابعد عنها خالص