كيف اجهز ابنى فى ماده الرياضيات قبل ما ادخل الصف الثانى الابتدائى المنهج الجديد

الاعداد السليم للماده الرياضيات الصف الثانى الابتدائى المنهج الجديد

طيب كدا فى البدايه هل هيكون فى منهج جديد للصف الثانى الابتدائى شبيه للمنهج الموجود للصف الاول الابتدائى؟؟

الحقيقه محدش يعرف لكن  الغالب وبنسبه كبيره جدا انه ايوا فيه 

وهيكون منهج جديد 

طيب هنا سؤال مهم ؟

انا اجهز ابنى للمنهج الجديد بانى  اجيب المنهج القديم واشرحله ليه؟؟

ولا انى اراجع على الصف الاول الابتدائى ؟؟؟

طيب 

السؤال مش كدا خالص
لكن الصح هل ابنى فاهم الحجات الى فى اولى ابتدائى كويس
منهج اولى ابتدائى كان مليان حجات كتيره  ومش معنى ان المدرس لم يشرح الحجات دى انها مش علينا
هل ابنك فاهم مقرر اولى ابتدئى كله ؟
السؤال دا مش هنعرف  اجابته غير اما نشوف المنهج كله
تعالوا نشوف المنهج 

وهنا يبان بشكل كبير جدا انه ابنى لازم يكون فاهم 

عارف الاعداد من 1 الى 100 

الاحاد والعشرات والقيمه المكانيه لاعداد 

عارف يجمع ويطرح عدد مكون من رقمين
عارف الساعه والعقارب
عارف المسائل اللفظيه  بشكل جيد
عارف ترتيب الاعداد من الكبير للصغير والعكس
عارف اكبر من واصغر منك
عارف الاشكال ثنائيه الابعاد وثلاثيه الابعاد
عارف النقود واشكلها وازاى يتعامل فيها
كويس جدا 

لو ابنك عارف كل الحجات دى يبقى ممكن تجيبى منهج قديم وتبتدى بحجات بسيطه كدا تفتيح
انما لو ابنك مش عارف فلازم  يفهمها كويس جدا لان
الرياضه بتعتمد على بعضها  وابنك ضايع فى اولى ابتدائى
هيفضل كدا فى تانيه ابتدائى