التعريف بكتاب اكتشف الصف الاول الابتدائى المنهج الجديد وكيف استفاد منه

تعرف على كتاب اكتشف  للصف الاول الابتدائى منهج الجديد

السؤال المهم ما هو كتاب اكتشف للمنهج الجديد 

كتير من الناس شايفه انه كتاب ملوش اى لزمه مجرد رسومات وبس لا اكتر ولا اقل
وتضيع للوقت والجهد  بس الحقيقه ان دا مفهوم غلط  ليه؟

الوزاره قررت انها تطور التعليم فى مصر  وتطوير التعليم يعنى  مش بس الناحيه العلميه
ولكن كل شئ ناحيه اجتماعيه  ناحيه نفسيه  ناحيه رياضيه  ناحيه سلوكيه وكمان تعليم مهارات مختلفه جديده
تعالوا نشوف التوضيح دا 

لو شوفنا الرسم التوضيحى دا 

بيعرفك المهارات الى الطفل بيكتسبها من تعلم كتاب اكتشف
سواء من ابداع او تفكير ناقد  او حل مشاكل او التواصل مع الاخرين او احترام الاختلاف والتنوع او التعاطف  وغيرها من المهارات المهمه جدا فى حياه اى شخص
دا غير الكتاب بيدا فى بناء شخصيه الطفل  بجد مش مجرد تحفيظ وبص وبس لا
وانما ازاى تخرج طفل قادر على المناقشه واستخراج المعلومه والابداع

طيب امال ايه مشكله كتاب اكتشف ؟؟

دا سؤال مهم جدا جدا  اعتقد ان كتاب اكتشف المشكله مش فيه ولكن فى طريقه توصيل ما فيه الى الطلاب 

1- المعلم الى مش عاوز يشتغل  فى كتير من المدرسين رافضين يطبقوا الى موجود فى الكتاب ولو عاوزمعنى ادق المدرسين المكبرين دمغهم ومش عاوزين يشتغلوا 

2- عدد الطلاب الكبير  لو فى عدد كبير من الطلاب يستحيل معه توصل الى ما يريده الكتاب  لان ببساطه الكتاب عاوز نقاش وحوار  ومتابعه وتجريب وكل دا عاوز عدد قليل ومكان واسع 

3- عدم وجود رغبه عن كتير من الاباء فى ان ابنهم يدرس بالطريقه دى  وشايفين انها مجرد تضيع للوقت والجهد ودايما بيحقروا منها 

4- الدروس الخصوصيه  دا من اهم الاسباب الى بتخلى المدرس يحارب طريقه التعليم عن طريق المناقشه والحوار لانه خايف على  الفلوس الى بتيجى من الدروس الخصوصيه